Durante este curso académico estamos a traballar na creación do Plan de lectura, escritura e acceso á información coa colaboración de todos os Departamentos Didácticos. Nesta fase, analizaremos en que aspectos debemos incidir para mellorar as competencias do alumnado.
Dentro do Plan de benestar e convivencia e das propostas da Biblioteca para adultos, organizamos un encontro con Ana Couto para familias e profesorado co fin de falar sobre comunicación positiva con adolescentes.
Os xornalistas Luz Espiño e Alfonso González, de Radio Pontevedra- Cadena Ser, viñeron falarnos da desinformación e das vías para acceder a información veraz, contrastada e de calidade.
